Amiantu: in Masangionis una disgàrriga a s'aria. Lilliu (Cgil): "Giunta cun pagu coru. A arriscu sa saludi de sa genti"
(IlMinuto) - Casteddu, 22 de su mes''e argiòlas - Otèniri sa bonífica de sa disgàrriga de amiantu de Masangionis. Cun custu obbietivu cras a mangianu, de is 10.30 a is 11.00, su Cordinamentu ex traballantis de s'amiantu de sa Cgil de Aristanis at a blocai su tràvigu in s'istrada 131 (chilómitru 80) po distribbuiri bolantinus a is automobilistas.
Cussa de Masangionis est difatis sa prus manna disgàrriga de amiantu a s'aria de sa Sardigna. S'area s'isterrit po casi mezu etaru aundi s'agatat pruini de amiantu.
"Po su perígulu meda mannu - si podit ligi in d'una nota de sa Cgil - s'area impestada fut secuestrada de is Noe de Casteddu sa primu borta in su 2001 e a pustis in is primus diris de ocannu".
Su segretàriu de sa Càmara de su Traballu de Aristanis, Giampaolo Lilliu, acusat a sa Giunta regionali de ai trascurau sa chistioni.
"Est una circustànzia - denunciat Lilliu - chi fait dannu a sa saludi de sa genti e a s'ambienti. Sa Giunta regionali no tenit nesciuna sensibilidadi po s'ambienti e ddu dimustrat su fattu ca no at fattu nudda, sa disgàrriga est abarrada a s'aria, ansis, esti stetiu liau su dinai e esti stetiu suspendiu dógnia arbistriu regionali (delíbberas o diretivas) po s'atividadi de càstiu sanitariu (preveniméntu) de sa Asl de Aristanis".
Una disantezioni chi ponit a arriscu sa saludi de sa genti. "Segundu su Registru territoriali de is maladias tumoralis comenti su 'mesotelioma' - acrarat Lilliu - in is ùltimus otu annus 13 ànimas funt mortas: unu nùmeru meda mannu si si pensat ca custu tipu de patologia abarrat cuada assumancu po carant'annus".
Su Cordinamentu ex traballantis de s'amiantu de sa Cgil dimandant ca bengat aviada debressi sa bonífica de Masangionis atressu de s'usu de un'impiantu fissu de "inertizzazione".
Cussa de Masangionis est difatis sa prus manna disgàrriga de amiantu a s'aria de sa Sardigna. S'area s'isterrit po casi mezu etaru aundi s'agatat pruini de amiantu.
"Po su perígulu meda mannu - si podit ligi in d'una nota de sa Cgil - s'area impestada fut secuestrada de is Noe de Casteddu sa primu borta in su 2001 e a pustis in is primus diris de ocannu".
Su segretàriu de sa Càmara de su Traballu de Aristanis, Giampaolo Lilliu, acusat a sa Giunta regionali de ai trascurau sa chistioni.
"Est una circustànzia - denunciat Lilliu - chi fait dannu a sa saludi de sa genti e a s'ambienti. Sa Giunta regionali no tenit nesciuna sensibilidadi po s'ambienti e ddu dimustrat su fattu ca no at fattu nudda, sa disgàrriga est abarrada a s'aria, ansis, esti stetiu liau su dinai e esti stetiu suspendiu dógnia arbistriu regionali (delíbberas o diretivas) po s'atividadi de càstiu sanitariu (preveniméntu) de sa Asl de Aristanis".
Una disantezioni chi ponit a arriscu sa saludi de sa genti. "Segundu su Registru territoriali de is maladias tumoralis comenti su 'mesotelioma' - acrarat Lilliu - in is ùltimus otu annus 13 ànimas funt mortas: unu nùmeru meda mannu si si pensat ca custu tipu de patologia abarrat cuada assumancu po carant'annus".
Su Cordinamentu ex traballantis de s'amiantu de sa Cgil dimandant ca bengat aviada debressi sa bonífica de Masangionis atressu de s'usu de un'impiantu fissu de "inertizzazione".
© RIPRODUZIONE RISERVATA