"Cabai is manus de sa 'Conservatoria' de is Costeras'". "Italia Nostra", "Gig" e "AdT" contra a sa "abbolizioni" de s'Enti
(IlMinuto) - Casteddu, 5 de su mes''e argiòlas - Sa "Conservatoria" de is Costeras sadras no si tocat. Funt medas is no a sa decisioni de sa Giunta regionali de distruiri - in s'ambitu de sa manuvra finanziaria corretiva chi at a benni presentada cras - s'Agenzia nàscia in su 2005 cun s'obbietivu de salvai su litorali de sa Sardigna de is afaris pagu pulius.
"Cun s'arreghèscia de s'arràngiu finanziariu de sa Regioni - scririt su segretàriu regionali de 'Italia nostra' Graziano Bullegas - si cicat de sderrocai cantu de prus bellu (puru po sa faci economica) ddoi siat in Sardigna. Is ùltimus fattus políticus acontessius in custas diris in sa regioni nostra ponint in ispicu un'aciocada meda maba po su territoriu e po s'ambienti sadru de parti de custa Amministrazioni".
Contràrius a sa abbolizioni de sa Conservatoria puru su "Gruppo d'intervento giuridico" e is "Amici della Terra".
"In prus de is diversas manifestadas chi funt serbias a donai cuscénzia a sa genti - afirmant is assózius cun d'una nota - s'Agenzia de sa Conservatoria de is Costeras est ancora cumenzendi is traballus suus in matéria de gestioni de is tretus de litorali, cun s'incaminada de su programma de recúperu de s'ex tunnara de Is Mortorius (Cuartu Sant'Alèni) e de unus cantu turris costeras in totu su tretu de is litoralis isulanus. S'obbietivu declarau candu est nàscia furiat cussu de gestiri is tretus de is costeras prus importantis po s'ambienti po ddus acastiai po sèmpiri de s'arriscu de is afaris pagu pulius, cust'iscopu perou no est mai stetiu sighiu cun frimmesa e cunvinzioni in s'Amministrazioni Soru e nemmancu in cussa de Cappellacci. Prusaprestu no est própriu su momentu de mollai: s'Agenzia de sa Conservatoria de is costeras sadras depit essi mantennia, afortiada, e portada a is iscopus giustus chi dd'ant donau sa nàscida".
"Oi beneus a sciri de s'imprenta ca s'Agenzia, po decisoni de sa Giunta, iat a depi essi "abbolia", cummentant ispantaus e senz''e prexu is giòvanus chi agiudant sa Conservatoria, medas de custus ant istudiau a foras de istadu grazias a su progetu Master and Back. Un'arbítriu de sa Regioni Sardigna.
"Eus sceberau - scrirint in d'una lítera oberta - sa Conservatoria de is costeras acetendi unu cuntratu de precarius, renunziendi a trabullus de profesoneris cun d'una paga giusta. Dd'eus fattu poita credeus cun totu su coru in sa bidea de isvilupu chi oi sa Conservatoria rapresentat (...), una bidea de isvilupu sostebibbili".
Si ringraziat a Matteo Podda po sa cuncessioni de sa fotografia
"Cun s'arreghèscia de s'arràngiu finanziariu de sa Regioni - scririt su segretàriu regionali de 'Italia nostra' Graziano Bullegas - si cicat de sderrocai cantu de prus bellu (puru po sa faci economica) ddoi siat in Sardigna. Is ùltimus fattus políticus acontessius in custas diris in sa regioni nostra ponint in ispicu un'aciocada meda maba po su territoriu e po s'ambienti sadru de parti de custa Amministrazioni".
Contràrius a sa abbolizioni de sa Conservatoria puru su "Gruppo d'intervento giuridico" e is "Amici della Terra".
"In prus de is diversas manifestadas chi funt serbias a donai cuscénzia a sa genti - afirmant is assózius cun d'una nota - s'Agenzia de sa Conservatoria de is Costeras est ancora cumenzendi is traballus suus in matéria de gestioni de is tretus de litorali, cun s'incaminada de su programma de recúperu de s'ex tunnara de Is Mortorius (Cuartu Sant'Alèni) e de unus cantu turris costeras in totu su tretu de is litoralis isulanus. S'obbietivu declarau candu est nàscia furiat cussu de gestiri is tretus de is costeras prus importantis po s'ambienti po ddus acastiai po sèmpiri de s'arriscu de is afaris pagu pulius, cust'iscopu perou no est mai stetiu sighiu cun frimmesa e cunvinzioni in s'Amministrazioni Soru e nemmancu in cussa de Cappellacci. Prusaprestu no est própriu su momentu de mollai: s'Agenzia de sa Conservatoria de is costeras sadras depit essi mantennia, afortiada, e portada a is iscopus giustus chi dd'ant donau sa nàscida".
"Oi beneus a sciri de s'imprenta ca s'Agenzia, po decisoni de sa Giunta, iat a depi essi "abbolia", cummentant ispantaus e senz''e prexu is giòvanus chi agiudant sa Conservatoria, medas de custus ant istudiau a foras de istadu grazias a su progetu Master and Back. Un'arbítriu de sa Regioni Sardigna.
"Eus sceberau - scrirint in d'una lítera oberta - sa Conservatoria de is costeras acetendi unu cuntratu de precarius, renunziendi a trabullus de profesoneris cun d'una paga giusta. Dd'eus fattu poita credeus cun totu su coru in sa bidea de isvilupu chi oi sa Conservatoria rapresentat (...), una bidea de isvilupu sostebibbili".
Si ringraziat a Matteo Podda po sa cuncessioni de sa fotografia
© RIPRODUZIONE RISERVATA