Is disimperaus de Sa Madalèna denunciant sa "finta bonífica". "Paghit 'Obama'. Bolleus traballu e beridadi"
(IlMinuto) - Casteddu, 2 de su mes''e argiòlas - "Traballu e beridadi". Est cantu dimandat in d'una nota su Cordinamentu precarius e disimperaus de Sa Madalèna, a pustis de ai ligiu s'inchiesta fatta po sa "finta bonífica" pubblicada calencuna cida fait de s'"Espresso".
"Po nos 2milla disimperaus de s'arcipelagu - si ligit in d'una nota fatta connosci de su sindacau de basi Usb - cun sa serradura de is basis americanas e de su Portu Arsenale, si torrat oberriri a pustis de medas annus sa bisioni mala de su disterru. Su dannu prus légiu de sa finta bonífica - scrirint is disimperaus - est de ai furau su tempus benidori a s'Ísula, ma nos disimperaus e precarius no seus dispostus a dd'acetai".
Tra sa genti de Sa Madalèna difatis s'arrénnegu po is datus otentus de s'inchiesta de su giornalista Fabrizio Gatti s'ammaniat sèmpiri de prus.
"Su sparessimentu - scririt su Cordinamentu - de su ludu toscu e apestau, de arrogus de eternit, de ciumentu, de resídius de amiantu, de mureddas e arrefudus toscus scarrigaus a fura in mari a sa fini de is traballus aintru de su Parcu Marinu de is "Bocche di Bonifacio", e s'iscoberta de is fundus de su mari alluaus comenti cunfirmau de s'istudiu fattu calencunu mesi fait de s'Ispra (Istituto Superiore di Protezione e Ricerca ambientale), chi si ligit cun craresa in s'inchiesta dinúnzia pubblicada in custas diris de s'"Espresso", faint sciri àteras cosas asuba de su fatu de su stresiamentu de su G8 de Sa Madalèna in s'Aquila".
Sa bonífica - comenti arregordant is disimperaus e is precarius de s'Ísula - "furiat stetia declarada finia, e definiat sa cosa comenti un'interventu modellu de su capu de sa Protezioni civili Guido Bertolaso".
In veci, segundu cantu afirmat su Cordinamentu, su G8 iat a essi stetiu stresiau de sa Sardigna a s'Abruzu própriu po mori de sa "finta bonífica".
"Su fundu de su mari - afirmat sa nota - est alluau po su prus de is derivaus de su petróliu, sustànzias scarrigadas in mari candu s'arsenali furiat gestiu de sa Marina Militare. Ma totu custu benit cuau. Si stresiat sa location de su G8 in s'Aquila po motivus nóbbilis, ma sa beridadi est ca su portu furiat perigulosu!".
Sa basi militari de Sa Madalèna furiat acapiada inderetura a is Stadus Unius. "Scideus chi at alluau", precisat su Cordinamentu. "Est necessàriu unu protocollu de intesa cun s'amministrazioni de Obama chi istabbillat is modus de interventu po istudiai cali siant is sciascius fattus e po arribbai a una bonífica totali, chi dongat traballu e isvilupu, e torrit a cualificai s'Ísula in nòmini de un'economia fundada asuba de su turismu".
"Po nos 2milla disimperaus de s'arcipelagu - si ligit in d'una nota fatta connosci de su sindacau de basi Usb - cun sa serradura de is basis americanas e de su Portu Arsenale, si torrat oberriri a pustis de medas annus sa bisioni mala de su disterru. Su dannu prus légiu de sa finta bonífica - scrirint is disimperaus - est de ai furau su tempus benidori a s'Ísula, ma nos disimperaus e precarius no seus dispostus a dd'acetai".
Tra sa genti de Sa Madalèna difatis s'arrénnegu po is datus otentus de s'inchiesta de su giornalista Fabrizio Gatti s'ammaniat sèmpiri de prus.
"Su sparessimentu - scririt su Cordinamentu - de su ludu toscu e apestau, de arrogus de eternit, de ciumentu, de resídius de amiantu, de mureddas e arrefudus toscus scarrigaus a fura in mari a sa fini de is traballus aintru de su Parcu Marinu de is "Bocche di Bonifacio", e s'iscoberta de is fundus de su mari alluaus comenti cunfirmau de s'istudiu fattu calencunu mesi fait de s'Ispra (Istituto Superiore di Protezione e Ricerca ambientale), chi si ligit cun craresa in s'inchiesta dinúnzia pubblicada in custas diris de s'"Espresso", faint sciri àteras cosas asuba de su fatu de su stresiamentu de su G8 de Sa Madalèna in s'Aquila".
Sa bonífica - comenti arregordant is disimperaus e is precarius de s'Ísula - "furiat stetia declarada finia, e definiat sa cosa comenti un'interventu modellu de su capu de sa Protezioni civili Guido Bertolaso".
In veci, segundu cantu afirmat su Cordinamentu, su G8 iat a essi stetiu stresiau de sa Sardigna a s'Abruzu própriu po mori de sa "finta bonífica".
"Su fundu de su mari - afirmat sa nota - est alluau po su prus de is derivaus de su petróliu, sustànzias scarrigadas in mari candu s'arsenali furiat gestiu de sa Marina Militare. Ma totu custu benit cuau. Si stresiat sa location de su G8 in s'Aquila po motivus nóbbilis, ma sa beridadi est ca su portu furiat perigulosu!".
Sa basi militari de Sa Madalèna furiat acapiada inderetura a is Stadus Unius. "Scideus chi at alluau", precisat su Cordinamentu. "Est necessàriu unu protocollu de intesa cun s'amministrazioni de Obama chi istabbillat is modus de interventu po istudiai cali siant is sciascius fattus e po arribbai a una bonífica totali, chi dongat traballu e isvilupu, e torrit a cualificai s'Ísula in nòmini de un'economia fundada asuba de su turismu".
© RIPRODUZIONE RISERVATA