"L'appetito vien leggendo": finzas a su 28 de su mes''e argiòlas sa cos''e papai at essi sa protagonista in Oniài de una butega po is pipius

(IlMinuto) - Casteddu 20 de su mes''e argiòlas - Est cumenzau su 14 de su mes''e argiòlas "L'appetito vien leggendo", sa butega de s'istadi po pipius e piciocus aprontada de s'Amministrazioni Comunali de Oniài e de sa Bibblioteca Unia de Irgòli, Lòcula, Oniài e Garteddi.
Sa cos''e papai est sa protagonista de s'eventu, cun su propósitu - si podit ligi in d'una nota fatta connosci de is aprontadoris - "de allargai is connoscénzias e de acostai a sa faci nutrizionali de su nodriamentu atividadis de istudiu cun esperiénzias de manígiu simplis, de coxina e de atastus de sa cos''e papai".
Tres is ingredientis de sa butega: una mostra de líbburus chi tenit comenti tema su nudriamentu, unu ciclu de ligimentus animaus chi tenit comenti ogetu "Un'istoria apetitosa" a cura de Francesco Moroni, "l'Omino delle Storie", e una butega de coxina aprontada de sa Ludoteca Comunali de Oniài.
Un'atividadi, custa, chi tenit comenti obbietivus cussus de fai connosci a is pipius is animabis de calidadi e cussu de preparai mandiaris dignus de essi presentaus in sa mesa cun sa genti manna. Sa butega at finiri su 28 de su mes''e argiòlas.