Língua e cultura sadra. Baire: "Su Pranu triennali 2008-2010 at essi portau ainnantis comenti sèmpiri"

(IlMinuto) - Casteddu, 23 de su mes''e argiòlas - "Sa Giunta Regionali est portendi ainnantis totus is intervantus in s'ambitu de sa língua e de sa cultura sadra previdius in su Pranu triennali 2008-2010". Est cantu at afirmau s'assessori regionali de sa "Pubblica istruzione e dei Beni culturali", Lucia Baire, arraspundendi a is rapresentantis de su  Su Comitadu pro sa limba sarda chi ariseru a mangianu ant manifestau a fac''e sa sedi de su Consillu regionali in Casteddu.
"S'irminorigamentu de su dinai indicau - at acrarau Baire - no smuntat su crumpimentu de is progetus giai finanziaus in is annus passaus".
"S'irminorigamentu - at precisau sa rapresentanti de sa Giunta regionali - no ant a tocai is progetus prus importantis, est a nai s'imparamentu curriculari de su sadru in is iscolas e is progetus comenti cussu de su "Sportello linguistico" e cussu de is òperas didàticas multimedialis importanti po s'imparu de sa língua".