Presonis. Mara Grazia Caligaris (Sdr): "Negau su diritu a s'istudiu a unu presoneri de Santu Domingu"
(IlMinuto) - Casteddu, 2 de su mes''e argiòlas - Su Dipartimentu de s'Amministrazioni penitenziaria at negau su diritu a s'istudiu a unu presoneri in su presoni nugoresu de Bad'e Carros. Ddu denunciat cun s'una nota Maria Grazia Caligaris, presidenti de s'Assóziu "Socialismo Diritti e Riforme", chi at signalau cantu acontéssiu a Alejo Perez Luis Alexander, de Santu Domingu, a su Diretori de su Dipartimentu de s'Amministrazioni penintenziaria Franco Ionta.
"Su nùmeru meda mannu de presoneris - precisat Caligaris - arriscat de fai perdi s'orientamentu puru a is funzionarius de su Dap chi taliòrta scontroriant cussu chi ant decidiu primu". Su presoneri esti stetiu difatis primu autorizau a s'iscriri a s'Universidadi de Bologna e a fai calincunu esami, ma s'autorizazioni a sighiri s'impignu de istudiu, meda frutuosu, a pustis dd'esti stetia liada.
"S'istudianti - acrarat sa rapresentanti socialista - at depiu renunziai a s'esàminu de Inglesu, previdiu po su 22 de su mes''e làmpadas e a cussu de "Diritto costituzionale italiano e comparato", fissau de s'Ateneu emilianu po su 29 de su mes''e làmpadas. Arriscat infinis de no podi fai s'esàminu de "Diritto Pubblico" de su 13 de su mes''e argiolas chi benit".
Caligaris, arregordendi ca s'artículu 34 de sa Costituzioni bollit tutelai su diritu a s'istudiu, torrat a costruiri in is particularis s'acuntéssia de su citadinu de sa Reprúbbica Dominicana.
"Su giòvanu, chi esti stetiu trasferiu in Nùgoro in su mes''e ledàminis, s'agatat impresonau primu - precisat Caligaris - in Bologna aundi, puru grazias a unu cumbéniu tra S'Ateneu e su Dap, si furiat iscritu in su 2008 a su cursu de "Scienze dell’Amministrazione e dell’Organizzazione", una specializazioni chi no ddoi est in is Ateneus sadrus. In su trastempus perou su presoneri esti stetiu sogetu a trasferimentu, unu trasferimentu chi no iat dimandau e de su cali no si scit nemmancu s'arrexoni. Su 22 de su mes''e fiàrgiu de su 2010 esti stetiu trasferiu in Bologna po donai duus esàminis andaus meda beni e est abarrau ingunis finzas a su 10 de su mes''e arbili. Mancai apat dimandau a custu puntu de abarrai in su presoni de Bologna, esti stetiu torra trasferiu in Nùgoro.
Po custu fattu e po mori ca dd'esti stetiu negau su trasferimentu in sa citadi emiliana su giòvanu no at poziu donai is esàminis de su 22 e de su 29 de su mes''e làmpadas".
"Su nùmeru meda mannu de presoneris - precisat Caligaris - arriscat de fai perdi s'orientamentu puru a is funzionarius de su Dap chi taliòrta scontroriant cussu chi ant decidiu primu". Su presoneri esti stetiu difatis primu autorizau a s'iscriri a s'Universidadi de Bologna e a fai calincunu esami, ma s'autorizazioni a sighiri s'impignu de istudiu, meda frutuosu, a pustis dd'esti stetia liada.
"S'istudianti - acrarat sa rapresentanti socialista - at depiu renunziai a s'esàminu de Inglesu, previdiu po su 22 de su mes''e làmpadas e a cussu de "Diritto costituzionale italiano e comparato", fissau de s'Ateneu emilianu po su 29 de su mes''e làmpadas. Arriscat infinis de no podi fai s'esàminu de "Diritto Pubblico" de su 13 de su mes''e argiolas chi benit".
Caligaris, arregordendi ca s'artículu 34 de sa Costituzioni bollit tutelai su diritu a s'istudiu, torrat a costruiri in is particularis s'acuntéssia de su citadinu de sa Reprúbbica Dominicana.
"Su giòvanu, chi esti stetiu trasferiu in Nùgoro in su mes''e ledàminis, s'agatat impresonau primu - precisat Caligaris - in Bologna aundi, puru grazias a unu cumbéniu tra S'Ateneu e su Dap, si furiat iscritu in su 2008 a su cursu de "Scienze dell’Amministrazione e dell’Organizzazione", una specializazioni chi no ddoi est in is Ateneus sadrus. In su trastempus perou su presoneri esti stetiu sogetu a trasferimentu, unu trasferimentu chi no iat dimandau e de su cali no si scit nemmancu s'arrexoni. Su 22 de su mes''e fiàrgiu de su 2010 esti stetiu trasferiu in Bologna po donai duus esàminis andaus meda beni e est abarrau ingunis finzas a su 10 de su mes''e arbili. Mancai apat dimandau a custu puntu de abarrai in su presoni de Bologna, esti stetiu torra trasferiu in Nùgoro.
Po custu fattu e po mori ca dd'esti stetiu negau su trasferimentu in sa citadi emiliana su giòvanu no at poziu donai is esàminis de su 22 e de su 29 de su mes''e làmpadas".
© RIPRODUZIONE RISERVATA