Su "14 de su mes''e argiòlas" de s'Ateneu de Casteddu. Custumerì is Stadus generalis contra a "sa destrossa de s'Universidadi"
(IlMinuto) - Casteddu, 14 de su mes''e argiòlas - "No si podit prus abarrai citius candu si fueddat de destruiri s'Universidadi púbblica". Est cantu at nau lùnis Massimo Deiana, presidi de sa Facoltadi de "Giurisprudenza", po sa presentada a s'imprenta de is Stadus Generalis de s'Universidadi de Casteddu.
Custumerì a is 19 in s'àula A de s'Arburàda Sant'Ignazio s'ant a reuniri po sa primu borta in d'un'atóbiu comunu is 11 Consillus de Facoltadi de s'Ateneu casteddaiu.
"In su sceberu de sa data - sighit Deiana - eus penzau ca, aici comenti su 14 de su mes''e argiòlas ammentat sa pigada de sa Bastiglia, po nos custa diri pozat rapresentai una pigada de cuscénzia asuba de totu sa chistioni".
Su mundu acandémicu casteddaiu si furriat contra a is tàglius bófius a sa marolla de su disignu de lei Gelmini. "Totu s'Universidadi s'est movendi - at acrarau sa presidi de "Scienze politiche", Paola Piras – contra a unu provedimentu chi tenit argumentus chi no funti stetius arraxonaus e puru po sa cunvinzioni ca su traballu nostru no est connotu in su modu giustu".
Is datus ammostaus de su presidi de sa Facoltadi de "Ingegneria", Giorgio Masacci, no lassant logu a medas dúbbius.
"In Itàlia - at nau - su peschentu de su Pil destinau a s'istruzioni superiori est de su 0,8 po centu contra a s'1,3 po centu de is àterus Stadus chi funt aintru de s'Ocse.
S'ispesa de s'Universidadi, si cunfrontada a su totali de s'ispesa púbblica po is serbízius est apenas de s'1,6 po centu, contra a su 2,9 po centu de s'Unioni europea".
S'atóbiu de custumerì no est scéti po su mundu académicu ma - si ligit in d'una nota - "funt imbidaus puru rapresentantis políticus, rapresentantis de is medas istituzionis e totus cussus chi funt interessaus a sa sorti de s'Universidadi".
Custumerì a is 19 in s'àula A de s'Arburàda Sant'Ignazio s'ant a reuniri po sa primu borta in d'un'atóbiu comunu is 11 Consillus de Facoltadi de s'Ateneu casteddaiu.
"In su sceberu de sa data - sighit Deiana - eus penzau ca, aici comenti su 14 de su mes''e argiòlas ammentat sa pigada de sa Bastiglia, po nos custa diri pozat rapresentai una pigada de cuscénzia asuba de totu sa chistioni".
Su mundu acandémicu casteddaiu si furriat contra a is tàglius bófius a sa marolla de su disignu de lei Gelmini. "Totu s'Universidadi s'est movendi - at acrarau sa presidi de "Scienze politiche", Paola Piras – contra a unu provedimentu chi tenit argumentus chi no funti stetius arraxonaus e puru po sa cunvinzioni ca su traballu nostru no est connotu in su modu giustu".
Is datus ammostaus de su presidi de sa Facoltadi de "Ingegneria", Giorgio Masacci, no lassant logu a medas dúbbius.
"In Itàlia - at nau - su peschentu de su Pil destinau a s'istruzioni superiori est de su 0,8 po centu contra a s'1,3 po centu de is àterus Stadus chi funt aintru de s'Ocse.
S'ispesa de s'Universidadi, si cunfrontada a su totali de s'ispesa púbblica po is serbízius est apenas de s'1,6 po centu, contra a su 2,9 po centu de s'Unioni europea".
S'atóbiu de custumerì no est scéti po su mundu académicu ma - si ligit in d'una nota - "funt imbidaus puru rapresentantis políticus, rapresentantis de is medas istituzionis e totus cussus chi funt interessaus a sa sorti de s'Universidadi".
© RIPRODUZIONE RISERVATA