S'Universidadi de Casteddu s'arrebbellat diaderus: is Stadus generalis lamant a sa "mobilitazioni permanenti" contra a is tàglius
(IlMinuto) - Casteddu, 16 de su mes''e argiòlas - "Is consillus lamant a su stadu de mobilitazioni permanenti contra a is mesuras impostas a s'Universidadi de sa manuvra finanziaria e contra a custa versioni de sa riforma". Si concluit cun custus fueddus sa mozioni aprovada de is Stadus generalis de s'Universidadi de Casteddu.
Mérculis passau is 11 Consillus de Facoltadi de s'Ateneu si funt difatis reunius, po sa primu borta, in d'un'atóbiu chi ddus at bius totus impari cun s'obbietivu de salvai s'Universidadi casteddaia de is afortigadas bófias de su Guvernu.
"No arrafudaus de si fai carrigu de is arragus de custu momentu - at acrarau Antonello Sanna, su presidi de Architetura - ma dimandaus unu modellu de isvilupu chi puntit a avalorai is giòvanus, in s'innovazioni e in sa ricerca".
E is istudiosus funt in primu fila in sa batalla po sa difesa de s'istruzioni universitaria púbblica. Po comenti funt immoi is cosas, difatis, po unu totali de 466 istudiosus 325 istudiosus de su logu - at arregordau Valentina Onnis de sa 'Rete 29 aprile' - no funt de acórdiu a sighiri s'atividadi didàtica puru po s'annu académicu chi benit.
Is istudiantis de Uxs puntant a si tragai in sa mobilitazioni puru su mundu de sa política. "Dimandaus ancora una borta - scrirint in d'una nota - ca bengant interessadas in sa difesa e salvaguàrdia de su sistema Universitariu is personas chi funti stetias delegadas de su pópulu nostru a si rapresentai".
Mérculis passau is 11 Consillus de Facoltadi de s'Ateneu si funt difatis reunius, po sa primu borta, in d'un'atóbiu chi ddus at bius totus impari cun s'obbietivu de salvai s'Universidadi casteddaia de is afortigadas bófias de su Guvernu.
"No arrafudaus de si fai carrigu de is arragus de custu momentu - at acrarau Antonello Sanna, su presidi de Architetura - ma dimandaus unu modellu de isvilupu chi puntit a avalorai is giòvanus, in s'innovazioni e in sa ricerca".
E is istudiosus funt in primu fila in sa batalla po sa difesa de s'istruzioni universitaria púbblica. Po comenti funt immoi is cosas, difatis, po unu totali de 466 istudiosus 325 istudiosus de su logu - at arregordau Valentina Onnis de sa 'Rete 29 aprile' - no funt de acórdiu a sighiri s'atividadi didàtica puru po s'annu académicu chi benit.
Is istudiantis de Uxs puntant a si tragai in sa mobilitazioni puru su mundu de sa política. "Dimandaus ancora una borta - scrirint in d'una nota - ca bengant interessadas in sa difesa e salvaguàrdia de su sistema Universitariu is personas chi funti stetias delegadas de su pópulu nostru a si rapresentai".
© RIPRODUZIONE RISERVATA