390 millionis de tàglius. Su Consillu aprovat sa manuvra de cambiamentu. Sanna (Psdaz): "Rinnou intru su mes''e austu"

(IlMinuto) - Casteddu, 4 de su mes''e austu - Prus tàglius po totus. Podit essi custa sa síntesi de sa manuvra de cambiamentu de 390 millionis de eurus aprovada ariseru in Consillu regionali de su centrudestra a solu apustis ca su cantrusinistra iat lassau s'àula po mori de su scontru asuba de su tema de is intradas fiscalis.
Is tàglius interessant a casi totus is cumpartus: de s'edilizia de is iscolas (de mancu de cincu millionis) a is atividadis produtivas. Bullau puru s'emendamentu presentau de Marco Espa (Pd) chi dimandàt de donai seti millionis de eurus po su cumprimentu de unu pianu de isperimentu po s'assistu in domu po totu sa diri po chini tenit imbalididai grais, a cumenzai de is maladius de Sla.
Sa majoria at aprovau sa manuvra, ma custa Giunta regionali parrit essi arribbada diaderus a sa fini. Is sardistas sighint a bolli s'annullamentu de s'Esecutivu. "Rinnou intru su mes''e austu - at aclarau su segretàriu de su Psdaz Giacomo Sanna - o is sardistas funt a foras de sa majoria".