Candu sa lota si fait giogu. Sa proposta de assótzius e movimentus po salvai is ficus de pratza Garibaldi

(IlMinuto) – Casteddu, 31 de su mes''e austu - Sighit sa batalla de movimentus e assótzius po salvai is matas de pratza Garibaldi, in Casteddu. Cras a merì a is 19.00 su "Comitato cittadino per la Tutela di piazza Garibaldi", "Italia Nostra", "Legambiente" e su "Cagliari Social Forum" ant a donai vida a un'originali mobilitada: sa protesta s'at a fai giogu. "Si bideus in pratza Garibaldi - si ligit in d'una nota de imprenta - a giogai a is giogus chi si faint senz''e computer. S'intentu nostru est de interessai un'interventu chi istrobellit is chistionis de s'arregiolamentu, in custu modu s'iat a arrespetai su "bistiri" de s'istorica pratza, salvendu totus is ficus retusa chi rapresentant unu furnimentus de valori e espressant una parti importanti de memória istorica de sa citadi".