"Eventi metallici": in milla in Sòssu po aplaudiri Paul Di' Anno a 30 annus de "Iron Maiden"
(IlMinuto) – Casteddu, 2 de su mes''e austu - Funt giai passaus trint'annus de sa pubblicazioni de "Iron Maiden", ma s'album de s'incaminada de sa band inglesa poderat ancora senzeru s'incantu suu.
Ddu dimustrant is milla amantis de s'heavy metal, po su prus meda giòvanus, chi sàbudu ant aplaudiu a Paul Di' Anno e a is Children of The Damned in Sòssu (Marina de Li Nibari) in sa diri de sa serradura de su festival "Eventi metallici", sighia a s'apuntamentu de su 30 de su mes''e argiòlas in Boàtiri.
Su cantanti de nàscida italiana - boxi de is Iron Maiden in s'incaminada chi pigàt su nòmini de su grupu e in "Killers" (1981) - no at deludiu is fan.
Si su corpus, ingraiu, no est prus su própriu, is pilus no ddoi funt prus e puru sa boxi s'est fatta prus sarragada, s'ànima e s'aza de su rocker ddoi funt ancora totus.
Di'Anno e sa band sua ant fattu casi po intreu su primu long playing de is Iron Maiden (senz''e scartai sa mirífica "Strange World"), passendi de is canzonis de s'album de su cumenzu a calincunu pezu pigau de sa carriera solista e de "Killers". De su segundhu album de sa band inglesa funti stetius sceberaus s'istrumentali "The Ides of March", "Wrathchild", "Murders in the Rue Morgue" e sa canzoni chi donat su títulu a su discu.
Própriu "Killers" esti stetia dedicada a cussu chi su cantanti londinesu at definiu "su prus mannu scimpru de Itàlia, S. B.". In su bis de serradura, Di' Anno at bófiu ponni una ceréxedda punk asuba de sa truta metal, cun d'una cover disabetada: "Blitzkrieg Bop" de is Ramones; su púbblicu, corrus in celu, at gradessiu.
Ddu dimustrant is milla amantis de s'heavy metal, po su prus meda giòvanus, chi sàbudu ant aplaudiu a Paul Di' Anno e a is Children of The Damned in Sòssu (Marina de Li Nibari) in sa diri de sa serradura de su festival "Eventi metallici", sighia a s'apuntamentu de su 30 de su mes''e argiòlas in Boàtiri.
Su cantanti de nàscida italiana - boxi de is Iron Maiden in s'incaminada chi pigàt su nòmini de su grupu e in "Killers" (1981) - no at deludiu is fan.
Si su corpus, ingraiu, no est prus su própriu, is pilus no ddoi funt prus e puru sa boxi s'est fatta prus sarragada, s'ànima e s'aza de su rocker ddoi funt ancora totus.
Di'Anno e sa band sua ant fattu casi po intreu su primu long playing de is Iron Maiden (senz''e scartai sa mirífica "Strange World"), passendi de is canzonis de s'album de su cumenzu a calincunu pezu pigau de sa carriera solista e de "Killers". De su segundhu album de sa band inglesa funti stetius sceberaus s'istrumentali "The Ides of March", "Wrathchild", "Murders in the Rue Morgue" e sa canzoni chi donat su títulu a su discu.
Própriu "Killers" esti stetia dedicada a cussu chi su cantanti londinesu at definiu "su prus mannu scimpru de Itàlia, S. B.". In su bis de serradura, Di' Anno at bófiu ponni una ceréxedda punk asuba de sa truta metal, cun d'una cover disabetada: "Blitzkrieg Bop" de is Ramones; su púbblicu, corrus in celu, at gradessiu.
© RIPRODUZIONE RISERVATA