"Contienda intradas". Cgil, Cisl e Uil, Comunus e Provìntzias su 25 in pratza in Aristanis: "Acódriu costitutzionali nou tra Stadu e Regioni"

(IlMinuto) – Casteddu, 7 de su mes''e cabudanni - Sa "contienda intradas" cabat in pratza. Sindacaus confederalis, Comunus e Provìntzias de sa Sardigna ant difatis lamau po su 25 de su mes''e cabudanni chi benit una manifestada impari in Aristanis, in pratza Eleonora D’Arborea, "símbolu de s'unidadi de s'Ísula". Is aprontadoris de sa cosa prètendint "is diritus de is sardus asuba de is intradas depias de su Stadu, necessàrias a torrai a fai nàsciri su traballu e s'isvilipu" e proponint un'"Acódriu costitutzionali nou tra Stadu e Regioni". Sa decisioni de portai i pratza sa contienda intradas esti stetia pigada ariseru de is segreterias regionalis de Cgil, Cisl e Uil, cun is presidentis de s'Anci, Tore Cherchi, e de s'Ups, Roberto Deriu.
In is diris chi benint - si ligit in d'una nota - ant essi trisinadas in sa cosa totus is fortzas políticas, economicas e socialis de sa Sardigna.
"In d'una fasi chi bidit un'arruta de is satus, de su mundu de s'iscola, de s'industria e de is cumpartus produtivus - acrarant is aprontadoris - sa primu cosa est sa chistioni de is intradas e de is risorsas finantziarias depias de su Stadu a sa Sardigna, tocat a pensai a s'abbiléntzia de ispesa de sa Regioni e tocat a arrenesci a cuntratai po su Patu de stabilidadi, e tocat puru a pensai a sa revisioni de is Istitutzionis de s'Autonomia atressu de unu Patu costitutzionali nou tra Stadu Regioni".