'Contienda intradas'. Cgil, Cisl e Uil: 'Si su Stadu no arrespundit seus prontus a manifestai in Roma'

(IlMinuto) – Casteddu, 29 de su mes''e cabudanni - "Lamai un'atóbiu po chistionai de is riformas e de s'autonomia finantziaria de sa Regioni, chi tenit meda pesu in is políticas de su traballu, de s'isvilupu e de is tutelas socialis". Est cantu dimandant Cgil, Cisl e Uil cun d'una nota "fatta totus impari" e mandada a su presidenti de sa Giunta regionali, Ugo Cappellacci, e a su presidenti de su Consillu regionali Claudia Lombardo.
Is sindacaus confederalis dimandant de interessai in s'atóbiu puru is Provìntzias e is Comunus. "S'obbitivu - acrarant is segreterias confederalis de Cgil, Cisl e Uil - est intzutzulai unu cunfrontu Stadu-Regioni in Sardigna asuba de cussu chi narat su patu costituzionali nou e de decidiri su camminu e is istrumentus po fai arrexinai sa proposta de Statutu e de lei Statutaria".
"Una manifestada manna de is sardus in Roma - acrarant is sindacaus - est s'àteru obbietivu de ponni in calendàriu in ausentzia de arrespustas de parti de su Stadu asuba is temas de is intradas, de is Fas, po fai torrai a bolai s'industria e de is atividas produtivas, agràrias de sa pastoria in Sardigna".