Crisi e política. Tiddia (Rsu Carbosulcis): "No ddoi est una fortza anticapitalista arrexinada e de sceberu chi pighit su postu de su Pd"

(IlMinuto) – Casteddu, 22 de su mes''e cabudanni - "In Sardigna no ddoi est una fortza comunista e anticapitalista chi siat capatzi de s'arrexinai in is bixinaus, in is brugus e in su territoriu. Tocat duncas costruiri unu movimentu de sceberu chi pighit su postu de su Pd e chi cumentzit a essi prus indipendenti de is decisonis pigadas atesu de sa Sardigna". Cun custas cunsideratzionis Antonello Tiddia, Rsu Carbosulcis, concluit una nota chi fueddat de "s'acuntéssia drammàtica" de sa Sardigna, firmendusì po su prus a su Surcis.

"Su Territoriu de su Surcis-Igresienti - scririt 'il Minatore Rosso' - vantàt su primau tristu de tenni prus de 30.000 disimperaus, tenit unu peschentu mannu de giòvanus chi si ndi andant in cica de traballu. Teneus una crisi senz''e torrada, una crisi de su cumpartu produtivu mai tenta primu chi colpit cincu fàbbricas de sa zona, cuatru in Portovesme (Eurallumina, Alcoa, Portovesme srl ) e in s'igresienti sa Rockwool, immoi casi serrada".

Po afrontai sa crisi fueddat de unu pianu de Rinascita nou.

"Creu - acrarat su sindacalista - ca po cumbàtiri sa poberesa e su disimpreu senz''e torrada de su territoriu tocat a tenni su coràgiu de uniri is lotas, po podi torrai a fai bolai sa Sardigna e su Surcis-Igresienti cun d'unu pianu nou de Rinascita".