“Firmamus sa Caserma!”. A Manca narat no a s'“iscola” noa de gherra a Nuoro. “Ancora un'atu de ocupatzioni militari”

(IlMinuto) – Casteddu, 22 de su mes''e cabudanni - "Firmamus sa Caserma! Cherimus iscolas de traballu non de gherra!". Cun custu slogan s'organizatzioni de sa sinistra inidipendentista aMpI annunciat batalla contra a su fàbbricu de una caserma noa in Nùgoro, in zona Prato Sardo, po aghilliri unu repartu nou de sa Brigata Sassari.

"Su sotosegretàriu a sa difesa Cossiga, cun su prexu mannu de su síndhigu Sandro Bianchi e de su deputau Bruno Murgia - si ligit in d'una nota fatta connosci de su Diretivu políticu de A Manca - at cunfirmau s'arracatu annunciau pagu tempus fait, segundu custu po podi tenni un'Universidadi civili nugoresa tocat costruiri una caserma militari. Difatis is 12,3 millionis de eurus finantziaus de sa Regioni cun avincu po s'edilitzia de s'iscola (...) ant a andai a fabbricai un'"iscola" de gherra in veci is fai traballantis po su tempus benidori".

"Naturalmenti sa retórica de is babbus de sa caserma - precisat aMpI - cicat de giustificai cust'àteru atu de ocupatzioni militari cun su sólitu arrecatu chi fueddat de postus de traballu, comenti si is cuatruxentus militaris iant a podi fai beni a s'economia nugoresa! Po giustificai sa costrutzioni de casema noa si ndi essint cun sa paristória de is postus de traballu, chi in sa pràtiga funt pagus, calincunu impiegau e calinu traballanti chi si ocupat de allichidiri su logu".

"A Manca pro s’Indipendentzia - concluit sa nota - s'arringhera senz''e duténtzia contra a su tentativu de militaritzai ancora de prus sa Sardigna e sa provìntzia de Nùgoro. Naraus a totus is traballantis, is istudiantis, is realidadis socialis, sa populatzioni totu de si mobilitai e de creai momentus de cunsidériu e de lota contra a sa milatarizatzioni de su territoriu e de sa Sardigna intrea".