Informarzioni. Sa Lega e su Pdl bogant a foras sa língua sarda de su cuntrato de serbitziu Rai

(IlMinuto) – Casteddu, 9 de su mes”e cabudanni – Sa Lega e su Pdl ant bogau a foras sa língua sarda de cuntratu nou de serbítziu de sa Rai. Est cantu denunciat su senadori Francesco Sanna (Pd) cun d'una lítera mandada a su consilleri regionali de su Psd’Az, Paolo Maninchedda.

Su cuntratu nou de su serbítziu púbblicu radiu-televisivu, segundu cantu votau de sa "Commissione Bicamerale Vigilanza Rai", previdit de fai programmas in tedescu e ladinu po su Trentinu Alto Adige, in slovenu po su Friuli, in francesu po sa Val d’Aosta. Sa Sardigna e sa língua sarda, nonostanti sa tutela  bófia de sa lei 482 de su 1999, no funt nemmancu pigadas in cunsidériu. Po gana de sa Lega e de su Pdl. In s'atóbiu de s'8 de su mes''e làmpadas is rapresentantis de is duas scuadras de centrudestra in sa Cummissioni guidada de Sergio Zavoli ant difatis bullau s'emendamentu presentau de is senadoris democràticus Vincenzo Vita e Francesco Morri po finantziai is programmas in língua sarda in Sardigna.

De is informatzionis chi iu pigau in sa sedi Rai de sa Sardigna - precisat Sanna - is programmas in língua sarda iant biu sèmpiri, po sa produtzioni insoru, s'agiudu finantziàriu de sa Regioni Sardigna".

Ai postu su sardu in su cuntratu de serbítziu iat a ai permitiu - acrarat su senadori Pd - "de fai unu bellu passu de ainnantis e  de calidadi: de una possibbilidadi (a pagamentu), a unu doveri (senz''e pesus po sa Regioni)".