Iscola. Melis (Pd): "Is tàglius de sa Gelmini funt a foras de sa lei". Manifestada de is precarius in viale Trento

(IlMinuto) – Casteddu, 15 de su mes''e cabudanni - "Is tàglius de sa Riforma Gelmini funt a foras de sa lei". Est cantu narat cun cun d'una nota su parlamentari sardu de Pd. "Sa Corti Costitutzionali - acrarat difatis Melis - at reconnotu de pagu sa balididadi de una lei regionali sarda. Una lei regionali po sa programmatzioni iscolastica e su redùsimentu de sa retza iscolastica ca funt de cumpeténtzia regionali e s'impitu de su personali, puru precariu, depit essi fatu de acórdiu cun s'addetu ufíciu de sa Regioni". Segundu is datus de su Ministeru de s'Universidadi e de sa Ricerca in s'annu iscolasticu 2010/2011 ant essi 1037 is maistus bogaus de s'iscola sarda, "cun d'unu tàgliu in peschentu - concluit su rapresentanti democràticu - chi rapresentat su segundhu prus grai in s'iscala natzionali a pustis de cussu de Calabria: – 5,18%, a fac''e unu calu de is alunnus de su - 2,26%".

Po nai ancora una borta no a is tàglius, custu mangianu In Casteddu (11.00, viale Trento) est in programma una manifestada bófia de is organizatzionis sindacalis de s'iscola (Uil escludia) e de su Cumitau de is precarius casteddaiu.