Istrutzioni: Isciòpiru de is Cobas contra a s''iscola-miséria' de Gelmini e Tremonti. Manifestada in Casteddu

(IlMinuto) – Casteddu, 14 de su mes''e ledàminis - A pustis de is manifestadas de cida passada de una dexina de migliaja de istudiantis in unus cantu de citadis italianas, cras ant essi is maistus e su personali Ata a cabai in pratza po nai no a sa riforma de s'iscola in ocasioni de s'isciòpiru generali aprontau de is Cobas. Isciòpiru de s'iscola lamau po totu sa diri de su sindacau de basi, chi tenit s'obbietivu de torrai ma mandai agoa "is tàglius de oràriu, matérias e postus de traballu" (In s'Istitutu ténnicu industriali de Tàtari esti stetia fatta una classi de 43 scientis, ndr) e "po esigiri de su guvernu de pigai is precarius a postu fissu". In Casteddu is maistus e su personali ténnicu e amministrativu ant a camminai in su centru citadinu cun d'unu corteu chi at a partiri de pratza Garibaldi (apuntamentu a is 10.00) po lompi in sa Diretzioni iscolastica de bia Roma. "In pratza - si ligit in d'una nota - po bínciri s'iscola- miséria acanta a is maistus e de is Ata ddoi ant essi, in is tréixi manifestadas in programma in totu s'Itàlia, istudiantis de is iscolas superioris e istudiantis universitarius, operjàus e traballantis de su Púbblicu impiegu, chi bint s'istrutzioni púbblica comenti unu beni necessàriu e de totus".