Malu Entu: Is indipendentistas de Meloni assentant una curona de froris in punta "Ampsicora"

(IlMinuto) – Casteddu, 14 de su mes''e ledàminis - Domínigu passau is militantis de su movimentu inidipendentista Malu Entu ant assentau una corona de froris in "onori de is patriotas sardus bocíus in is batallas contra a is invasoris". Su cumponimentu de froris - acrarat una nota firmada de su presidenti Doddore Meloni - esti stetiu assentau in su cucuru in sa punta La Marmora (1.834 metrus de artesa tra s'Ogiastra e sa Barbàgia), torrada a batiai de is indipendentistas de Malu Entu punta Ampsicora, in ammentu de su protagonista de sa rebellia de is citadis costeras de sa Sardigna contra a is Romanus in su 215 a.c..Su bentu e s'àcua - si ligit nota - "no s'ant impediu de portai cumprimentu, puru in su 2010, sa cirimónia in onori de is antigus mortus cumbatendi contra a is invasoris de sa terra nostra".