Presonis: protesta de is famílias de is presoneris a fac”e Buoncammino. Loddo (5 novembre): “Destrossa sanitaria"

(IlMinuto) – Casteddu, 18 de su mes'e ledàminis - Si rennovat s'atóbiu de sa cida de is parentis de is presoneris a fac''e su presoni de Buoncammino, in Casteddu. S'atóbiu de oi (13.30, a fac''e s'intrada de su presoni), acrarat Roberto Loddo de s'assótziu 5 novembre, est perou de importu mannu. "Depeus essi totus ingunis", afirmat Loddo. "Totus is personis chi tenint coru e is assótzius chi difendint diri po diri is diritus civilis  de is presoneris tenit su doveri de participai".

"Sa destrossa sanitaria de su mancau trasferimentu de is cumpeténtzias a su serbítziu sanitariu natzionali - concluit su rapresentanti de 5 novenbre - arriscat de fai unu maceddu de mesas ànimas innocentis. Custa acontéssia de foras de conca e meda grai at scancellau su stadu de diritu e at fattu una strossa de is princípius costitutzionalis. Ma no podit lassai sa sociedadi civili frimma e muda".