Sardigna ísula “fràgili”. Legambiente: “308 comunus a arriscu smuronamentu e strasura”

19 Ladàminis 2010
Image
isola_fragile-150x150.jpg


(IlMinuto) – Casteddu, 19 de su mes''e ledàminis - Po dexi comunus sardus otu funt a arriscu mannu de smuronamentus o strasuras. Ddu denunciat cun d'una nota Legambiente, chi in custas diris promovit in s'ísula s'"Operatzioni arrius". "Funt 306 - di ligit in d'una nota - is comunus sardus a arriscu mannu po mori de is arrius pagu curaus, est a nai s'81 po centu de su totali. Tra is seti capoluogus sardus - precisat s'assótziu ambientalista - a su primu postu comenti Provìntzias prus fràgili ddoi funt cussas de Terranòa-Tèmpiu e  de Ogiastra, chi faint registrai tot''e is duus su 96 po centu de is amministratzionis classificadas a arriscu". "Is datus nous donant sa bidea de sa mannària de su perígulu de smuronamentus e strasuras in Sardigna - cummentat sa boxi de sa campagna Paola Tartabini - fintzas a ariseru meda sutastimada. Una faddina chi po annus no at permítiu de ponni is avincus necessàrius a s'urbanizatzioni, importantis po garentiri sa totali seguresa de is citadinus".




© RIPRODUZIONE RISERVATA