“Firmamus sa caserma”. In 200 in Nùgoro contra a “sa scola de guerra” de sa Brigata Sassari in Prato Sardo, aMpI: “No a s’ammaletzu de su sutasegretàriu a sa Difesa Cossiga”

(IlMinuto) - Casteddu, 1 de su mes''e totussantus - "Imbezes de trattores pro arare arriban carramardos e cannones e truppas de masellu de addestrare". Custa sa scrita in su striscioni chi oberriat su corteu - casi 200 is participantis chi beniant de totu s'Ísula - de sàbudu a merì in Nùgoro contra a su Fàbbricu de sa caserma noa de Prato Sardo. Sa manifestada esti stetia lamada de A Manca pro s’Indipendentzia po denunciai su "arrecatu de su sotosegretàriu de sa difesa Cossiga, po su cali po podi tenni un'Universidadi civili nugoresa tocat costruiri una caserma militari". Funt, difatis, 12.3 is millionis de eurus donaus de sa Regioni po s'edilitzia de is iscolas chi funt finius a finantziai su fàbbricu de un'"iscola de gherra" po aghilliri unu repartu nou de sa Brigata Sassari.

In d'una terra comenti sa Sardigna chi, tenit 24.000 ètarus de demàniu militari e prus de 12.000 ètarus de servidudis militari e chi tenit puru su  peschentu prus artu d'Itàlia de militaris a cunfrontu de sa genti chi ddoi bivit, sa costrutzioni de una caserma noa benit denunciada de is aprontadoris comenti "un'àteru atu de ocupatzioni militari". Po totu su corteu - participau puru de is militantis de Rifondazione comunista, de su Collettivo comunista (marxista-leninista) de Nùgoro, de is Cobas Iscola, de s’Usb, de Su Sindacadu de sa Natzione Sarda, de Sinistra Critica e de sa Sinistra Unita Europea – s'est perou precisau comenti su determinu de ndi liai su dinai a su diritu a s'istudiu po costruiri una caserma pongat in luxi s'esséntzia de sa política de sa Classi dirigenti chi preferit "spedritziai dinai e dinai liendiddu a is traballantis po fai progetus chi no produsint" in veci de "agiudai is apentus naturalis de su territoriu nostru po un'isvilupu sostenibili e no po un'isvulupu de assistu". Aici sa frasi scrita in su striscioni chi oberrit su corteu est unu richiamu, no scéti a s'istorica lota de Pratobello, ma puru a sa situazioni chi est bivendi oi sa Sardigna, tra is apellus de is pastoris, is protestas de is cassintegraus e su sciàsciu de is iscolas. Un'imbidu, duncas, cussu fattu imbolai cun sa manifestada a manera chi "is traballantis, is istudiantis, is realidadis socialis e sa genti totu si movant impari contra a sa militarizatzioni de su territoriu".