Giòvanus comunistas Tàtari (Prc): "Fabbricaus debressi unu cordinamentu de is lota"

(IlMinuto) – Casteddu, 4 de su mes''e - "Puru in Tàtari toca a donai vida debressi a unu cordinamentu de lota chi biat tra is protagonista is rapresentantis prus importantis de dógnia lota, e chi unifichit is diversas ma 'parzialis' lotas de classi". Est custa sa proposta de is Giòvanus comunistas tataresus - chi in sa provìntzia s'arreconnoscint po su prus in s'area política Falcemartello – fatta a pustis de sa manifestada Fiom de su 16 de su mes''e ledàminis in Roma, abetendi un'isciòpiru generali annunciau ma no ancora lamau. "Scéti in custu modu - si ligit in d'una nota - podeus tenni sa fortza e is programmas po traballai, puru de custa provìntzia de periferia, in s'aficàntzia de s'isciòpiru generali, fadendi connosci custa necessidadi tra sa genti nostra e lassendi de una parti cussas species de merixeddus chi si funt nomiaus a solus capus, dirigentis de pardidu chi iant a bolli incanalai sa lota scéti po àterus finis, atoris de sa política istitutzionali meda atesu de sa vida bera e dirigentis sindacalis chi agguantant a su cambiamentu".