Lota de is pastoris: su Movimentu blocat a is autocisternas de sa Saras de Sarròccu in intrada e in essida. Sa solidariedadi de s’Usb

19 Onniasantu 2010
Image
mps_saras.jpg


(IlMinuto) – Casteddu, 19 de su mes''e totussantus - Torrat a cumentzai de sa Saras sa lota de su Movimento dei Pastori Sardi contra a cussa chi su leader Felice Floris at definiu "una Giunta imboddiosa chi at traíxiu is aspetativas". Custu mangianu pagu prus de 1000 pastoris si funt agataus a fac''e intrada de s'istabilimentu de is Moratti. De casi un'ora is allevadoris ant cumentzau su blocu de is autocisternas de sa Saras in intrada e in essida. Cussa de oi - at acrarau Floris - est scéti sa primu de is mobilitadas noas giai fissadas de is pastoris in màglia blu a pustis de "su traitoriu" de s'acórdiu de su 2 de su mes''e totussantus, cun manifestadas chi ant a trisinai "obbietivus sèmpiri prus importantis".

A sa lota de is pastoris est arribbada puru sa solidariedadi de su sindacau de basi Usb. "Sa manifestada de oi - scririt Usb Sardigna - signifiàt ca su traitoriu de sa política est craru. Is politicheddus de mestieri ant pensau de podi frigai a is pastoris, cun su giogu de is tres cartas. Si promitu de resòlviri sa chistioni si fadeis a bonus (no depis manifestai), firmaus un'acórdiu, e a pustis ti dda fatzu in sedi de trasformatzioni de lei".



© RIPRODUZIONE RISERVATA