Referendum po su nucleari: fortuna in Bosa po su cunvegnu de su Cumitau Sinonucle. Sa "Casa del Popolo" fait un'annu

22 Onniasantu 2010
Image
sinonucle.jpg

(IlMinuto) – Casteddu, 22 de su mes''e totussantus - "Energia nucleare: soluzione insostenibile". Esti stetiu custu su tema de su dibbàtidu chi sàbudu passau at obertu su mesi de is eventus curaus de sa "Casa del Popolo" de Bosa (círculu Arci-Sinistra Critica) po su prim'annu de atividadi. A s'apuntamentu Gianluigi Deiana (Cummitau Sinonucle – Sinistra Critica) e Mariella Cao (Cumitau Gettiamo le Basi) ant presentau, a fac''e una pratea de casi 50 personis, is arrexonis de su SI a su referendum de su beranu chi benit, candu is sardus ant essi lamaus a arrespundi a sa dimanda: "Sei contrario all’installazione in Sardegna di centrali nucleari e siti per lo stoccaggio di scorie radioattive da esse residuate e preesistenti?". Tra is àterus eventus políticus-culturalis fissaus de sa "Casa del Popolo" de Bosa (cursu Vittorio Emanuale 84a) funt de signalai sa proietzioni de su film "La chiave rubata della città del grano" chi fueddat de Ogm e biodiversidadi (27 de su mes''e totussantus) e su dibbàtidu "Acqua bene comune", promòviu po sa Diri mundialli de s'àcua (4 de su mes''e paschixèdda).

Cuntatus:

email casadelpopolo.bosa@tiscali.it

telèfunu 327 71925775


© RIPRODUZIONE RISERVATA