Sardus in Svizzera: "Sa Giunta regionali esti atesu de su mundu de su disterru"

29 Onniasantu 2010
Image
sardi_svizzera-150x150.jpg
(IlMinuto) – Casteddu, 29 de su mes''e totussantus - "Su mundu de su disterru, puru sendu unu patrimóniu de risorsas meda mannas po sa Sardigna, est pagu connotu e pagu cunsiderau de is partis políticas e de su mantessi Guvernu regionali". S'oberrit aici su determinu conclusivu de su Cungressu de sa Federatzioni de is Círculus Sardus in Svizzera, chi s'est tentu in Lucerna su 20 e su 21 de su mes''e totussantus. Is sardus chi bivint in su stadu svizzeru denunciant sa distàntzia de is istitutzionis regionalis de su mundu de su disterru. Una distàntzia chi - si ligit in su documentu - "est fadendi unu fossu pagu bellu chi arriscat de separai a is sardus chi bivint a foras de is làcanas regionalis de is sardus redidentis. Custu est una de is primus cosas chi ponit ànsia a su mundu de su disterru, po su fattu chi ddoi est sèmpiri prus cunvintzionu ca senz''e su contribbutu de is sardus chi bivint a foras de s'Ísula, sa Sardigna no podit sperai in d'un'isvilupu sanu e chi ammannit sémpiri de prus".
© RIPRODUZIONE RISERVATA
Tags