S’intríghinu de Master&Back: scéti 150 borsas in su bandu 2010. Liaus is ammaistramentus

23 Onniasantu 2010
Image
master1-300x148.jpg

(IlMinuto) – Casteddu, 23 de su mes''e totussantus - Versioni imminoricada po Master&Back 2010. Cun 6,5 millionis de eurus de su Fundu sociali europeu su bandu nou po s'Arta formatzioni at a donai sa possibbilidadi difatis de finantziai scéti 150 borsas de istudiu (s'editzioni passada ndi bidiàt 450): 120 po podi fai is master in Itàlia (si de II livellu) o a foras de Istadu e 30 po podi fai is dotoraus de ricerca. Su bandu po is ammaistramentus no at essi pubblicau, mentris po su "back" 2010 at a tocai a abetai a is primus de s'annu chi benit. "Su rédditu de is famílias (calculau cun is paràmetrus Isee) – si ligit in d'una nota - at essi impitau po modulai s'importu de sa borsa de istudiu a is possibbilidadis economicas de su candidau". Master&Back 2010 esti stetiu presentau ariseru de s'assessori regionali de su "Lavoro" Franco Manca. De oi est possíbbili ligi su bandu in su giassu istitutzionali de sa Regioni Sardigna e mandai online is dimandas de participatzioni.


© RIPRODUZIONE RISERVATA