“S’Universidadi apicada a unu fiu”. Istudiantis asuba de is crabetura

(IlMinuto) – Casteddu, 25 de su mes''e totussantus - Sa riforma Gelmini bambulat. Sa protesta contra a su disignu de lei a s'esàminu de sa Camera (ma majoria esti stetia binta custu mangianu asuba de un'emendamentu presentau de Fli) crescit in totu su stadu: custu mangianu is manifestantis funti stetius carrigaus de sa Poltzia in Firenzi e pagus minutus fait una centina de istudiantis de s'Universidadi de Roma ant ocupau su Colosseu. De mérculis a merì is istudiantis sardus ant ocupau, is crabeturas de is Universidadis de s'Ísula. A is 22.00 de ariseru pagu prus de 80 istudiantis universitarius funt artziaus in sa crabetura de su Palatzu de is Sciéntzias, in Casteddu, aundi ant passau su noti, is istudiantis ascurtant atressu de s'aràdiu is traballus de su Parlamentu. In Tàtari is istudiantis presidiànt in veci s'àula Eleonora s'Arborea, in sa sedi centrali de s'Ateneu turritanu.In signu de protesta, custu mangianu duus istudiosus si funt cabaus de unu palatzu a fac''e su fàbbricu ocupau cun d'unu striscioni cun sa scrita "S'Universidadi apicada a unu fiu".