Traballu. Pcl: "No tocat a pagai is 30 eurus de contribbutu estraordinàriu bófiu de Cisl, Uil e Ugl"

(IlMinuto) – Casteddu, 11 de su mes''e totussantus - Is traballodoris chi no funt iscritus a nesciunu sindacau o chi addirint a organizatzionis sindacalis chi no ant firmau s'acórdiu separau de su mes''e ledàminis 2009 ant a arriciri, cun sa busta paga chi benit, unu módulu po sa pagamenta de unu "contribbutu sindacali estraordinàriu" de 30 eurus. Ddu fait sciri cun d'una nota sa setzioni de Casteddu de su Pcl, chi imbidat a is interessaus a no pagai sa cifra. Su pagamentu - si ligit in d'una nota de imprenta - "esti stetiu giustificau de Cisl, Uil e Ugl cometi unu contribbutu po agiudai su traballu fattu in su períodu de sa contratatzioni". Unu contribbutu pediu puru a is traballadoris e a is organizatzionis chi ant cuntrastau un'acórdiu chi - po su Pcl - "esti stetiu un'aggràbiu a sa dignidadi de is traballandoris metalmecànicus". No est accabbada innoi. "Po custu pagamentu - acrarat sa nota - esti stetia decidia sa fórmula de sa mudesa assensu". Is 30 eurus duncas ant a benni liaus inderetura a totus cussus chi no ant a nai no cun craresa a su contribbutu. "Cust'atu - concluit su comunicau - est una grandu befa senz''e torrada e antidenmocràtica".