Contienda intradas. Zuncheddu (Rossomori): “Senz”e sa seguresa de is risorsas, s’ocupatzioni de su Consillu at a sighiri senz”e pàsiu”

(IlMinuto) – Casteddu, 21 de su mes''e paschixèdda - "S'opositzioni de su centru-sinistra-identitariu at a ocupai s'àula senz''e pàsiu fintzas a candu custa Giunta de centru destra no at a garentiri sa seguresa de is intradas chi su stadu italianu depit a is sardus, chi sighit a si ferriri cundennendi a totus is cumpartus produtivus de sa Sardigna a sa poberesa". Est cantu afirmat cun d'una nota in su social network Facebook su consilleri regionali de is Rossomori, Claudia Zuncheddu. De ariseru a mangianu is 27 consilleris de su centrusinistra ocupant su Consillu regionali impedendi su dibbàtidu de sa Finatziaria 2011: pedendu de tenni is datus berus asuba de is risorsas chi su stadu italianu at a trasferiri a sa Sardigna in basi a su Statutu Ispeciali.