Massaria. Fulvio Tocco (Campidanu de Mesu): "Eus a fai traballai impari massajus, artesanus, butegajus e impresas"

(IlMinuto) – Casteddu, 28 de su mes''e paschixèdda - "S'est fadendi un'istudiu po fai traballai impari, in s'interessu de s'economia de su logu, is massajus chi participant a su progetu Bivi su Satu cun is artesanus, is butegajus e s'impresa media e pitica". Ddu narat su presidenti de sa Provintzia de su Campidanu de Mesu, Fulvio Tocco, participendi, in is diris passadas, a s'assembrea annuali de sa Cna in sa Fiera de Casteddu. "Massajus, artesanus, butegajus, industrialis - at nau Tocco - funt un'importanti massa crítiga chi podit torrai útili in tempu de crisi, si participant impari a sa fornidura de is medius ténnicus de produtzioni a is aziendhas de is massajus chi si funt impignadas a traballai sa terra de su territoriu".