“Non bruciamoci il futuro”: in Macumère 1200 firmas contra a s’incinixadori de Tossilo

(IlMinuto) – Casteddu, 6 de su mes''e paschixèdda - "Yes to reciclying. No to incineration". Funt custus is fueddus chi ant permitiu a su Cumitau "Non bruciamoci il futuro" de arregolli giai 1200 firmas contra a s'incinixadori in Tossilo. Is ambientalistas de Macumère proponint unu sceberu ecologicu a s'incinixadori e a su muntonàrgiu. "Sa proposta nostra po fai unu Centru de riciclu integrali in Tossilo in sostitutzioni a incinixamentu - si ligit in d'una nota - previdit chi su Centru possat tratai su 100 po centu de totus is arrefudus de su territoriu nostru arribbendi aici a sa serradura bera de su ciclu de is arrefudus e a su cumprimentu de risorsas economicas chi no funt de pagu contu". "Is incinixadoris - acrarat su Cumitau - no ndi liant po nudda is arrefudus, ma ddus abasciant de ballúmini. Custus impiantus no podint sostituiri is disgàrrigas poita dógnia incinixadori tenit bisóngiu de una disgàrriga de serbítziu". Sa solutzioni proposta de su Cumitau, su Centru de riciclu integrali, esti stetia giai fatta cun bonus arresurtaus in Vedelago.

Su Cumitau atobiat dógnia sàbudu de fin''e mesi in Macumère in is aposentus de largu Ciusa 22.