Precàrius Cesil e Csl: Regioni e Provìntzias chistionant de sa stabilizazioni

(IlMinuto) – Casteddu, 9 de su mes''e paschixèdda - Est forsis prus acanta sa stabilizazioni poi is precàrius de is serbítzius po su traballu de is Cesil e dei Csl. Su cunfrontu tra Regioni, su Consillu regionali, is Provìntzias, sa Cummissioni po su traballu e is sindacaus - obertu in Casteddu su 6 de su mes''e paschixèdda passau - at po immoi inditau comenti solutzioni possíbbili cussa de pigai a is precàrius in s'Agentzia regionali po su Traballu, ma abarrat sa chistioni de is risorsas. "Est una matéria impirigada - at nau in d'una nota de imprenta s'assessori regionali de su Traballu, Franco Manca - ma creeus de ai agatau unu caminu chi at a permiti de agatai una solutzioni praticàbili, chi a su momentu previdit sa possibbilidadi de pigai a is dipendentis Csl e Cesil in s'Agentzia regionali po su Traballu. Coru de sa cosa, at essi agatai su dinai necessàriu po pagai a is traballantis".