Sla. Salvatore Usala: "Unu pagheddu de otismu in prus apustis de s'atóbiu cun Liori"

22 Mese de idas 2010
Image
usala_salvatore-150x150.jpg
(IlMinuto) – Casteddu, 22 de su mes''e paschixèdda - "Teneus unu pagheddu de otimismu in prus. Nonostanti is arragus de su períodu, eus agatau grandi disponibilidadi e teneus fidi in is impignus pigaus de s'Assessori". Est cantu at nau in d'unu comunicau de imprenta su segretàriu de s'assótziu "Viva la vita onlus", Salvatore Usala, a sa fini de s'atóbiu asuba de s'assistu in domu a is maladius de Sla cun s'assessori regionali de sa Sanidadi, Antonello Liori. A s'atóbiu, tentu a pustis de su presidiu de su 16 de su mes''e paschixèdda de is maladius de Sla asuta de sa sedi de s'assessorau, in Casteddu, ant participau su Diretori generali de is Serbítzius socialis Roberto Abis e su presidenti de sa Cummissioni regionali Sla Vincenzo Mascia. "S'atóbiu - si ligit in d'una nota - est durau casi cuatr'oras e esti stetiu acatosu e positivu, cun grandu disponibilidadi a su diàlogu po donai arrespustas cuncretas". Po su prus - acrarat Usala - funti stetias acetadas una fibera de propostas po aumentai is risorsas disponibilis po s'assistu a is maladius de Sla.
© RIPRODUZIONE RISERVATA
Tags