Abetendi a su 28 de su mes''e gennàrgiu. Sindacadu de sa Natzione sarda. "Eja a s'isciòpiru generali". Cobas: "Tocat a dd'acabbai cun sa barrosia de is meris"

(IlMinuto) - Casteddu, 18 de su mes''e gennàrgiu - "S'acórdiu Fiat, otentu scrufendi su consensu de is traballadoris cun is malas, oberrit un'istrada perigulosa po sa demogratzia chi fai débbili sa fortza cuntratuali de totus is traballadoras e is traballadoris. Cussus modus malus: ' o comenti nau deu o ti ndi liu su traballu' - 'o firmas o ses a foras' podit ferri a totus". Cun custus fueddus Su Sinadacadu de sa Natzione Sarda acotzat a s'isciòpiru generali de is metalmecanicus, lamau de sa Fiom po su 28 de su mes''e gennàrgiu, e addirit a s'isciòpiru generali de is Cobas po sa mantessi diri. "S'arrasurtau de su referendum a sa Fiat Mirafiori - precisant is Cobas - est un'esémpiu mannu mannu de agguantu e de fortza operàja e si depit tradúsiri in d'unu tzítziu po totus is traballadoris e is cumpartus popolaris, po una furriada manna meda contra a sa barrosia de is meris e de su guvernu".