Ambienti. 4.5 millionis po recúperu ambientali de sa miniera de Futtèi. Sa dinúntziade su Gig: nemmancu un’euru de sa Buffalo Gold

(IlMinuto) - Casteddu, 19 de su mes''e gennàrgiu - Is speculeris minerarius no ant a bogai nemmancu un'euru po torrai su logu comenti furiat innantis e po ddu ponni in seguresa, est custu chi acontéssit a s'ex miniera de oru de Santu Miali in Futtèi. Ant essi is buxacas de sa Regioni a s'acollai is ispesas necessàrias a su recúperu ambientali de s'area. Fintzas a immoi sa Giunta regionali - cun d'una delíbbera de su 6 de su mes''e paschixèdda de su 2010 - at donau 4,5 millionis de eurus po ponni cust'area in seguresa po sèmpiri. Is operatzionis de recúperu ant a finiri in su 2015, cun d'un'ispesa totali de 16 millionis. "No si tenit - denunciant is assótzius ambientalistas "Amici della Terra" e "Gruppo d'Intervento Giuridico" - nesciuna nova de atzionis fattas de sa Regioni autónoma de Sardigna po otèniri su pagamentu de is ispesas po torrai su logu comentu furiat e po ddu ponni in seguresa, de parti de su Sogetu chi teniat in cuncessioni sa miniera": sa canadesa Buffalo Gold. Is fueddus naus in sa diri de sa presentada de sa miniera, 18 de su mes''e cabudanni de su 1997, de cussu chi insaras furiat su síndhigu de Futtèi, Ignazio Congiu ("No iat a bolli chi a sa fini de sa boghera de s'oru sa Sardinia Gold Mining si iat a ponni a serrai barraca lassendi su logu sprixuriau de is iscavus senz''e unu progetu e unu finanziamentu po su recúperu ambientali") funti stetius diaderus fueddus de intzetu.