Cartellu eletorali indipendentista? aMpI, “Nesciunu acórdiu senz”e unu caminu comunu”

(IlMinuto) - Casteddu, 26 de su mes''e gennàrgiu -  Sàbudu passau in Itiri Cannedu in  un d'un'assembrea esti stetia afestada sa sedi provintziali de Sardigna Natzione. A s'atóbiu at participau calencunu de is dirigentis mannus de Sni, Irs, aMpI e Rossomori, ma - nonostanti cantu afirmau de unu serbítziu in su pricipali canali televisivu de sa Sardigna - no esti stetia annunziada nesciuna creatzioni de unu cartellu eletorali de parti is fortzas indipendentistas. "No est beru ca in Itiri Cannedu - precisat su Diretivu políticu de a Manca pro s’Indipendentzia – esti stetiu firmau un'acórdiu políticu e no esti stetiu firmau nemmancu un'acórdiu eletorali tra is organizatzionis indipendentistas chi furiant ingunis. Nesciuna alleàntzia eletorali senz''e fai unu camminu de participatzioni política séria". "Sa sinistra indipendentista – si ligit in d'una nota de imprenta - arremaciat sa própriu disponibilidadi a abèrriri unu cunfrontu de convergéntzia de is fortzas sanas de sa natzioni po assodai unu blocu políticu natzionali de opòniri a is fortzas colonialistas arregortas oi in su centru destra e in su centru sinistra italianu, a dolu mannu de custas faint parti is partidus sardus alleaus de is partidus italianus".