Comunalis in Casteddu: Zedda (Sel) bincit a Cabras (Pd) in is primarias. Melotti (Pcl) candidada comunista

(IlMinuto) – Casteddu, 31 de su mes''e gennàrgiu - Sderrota noa po su "Partito Democratico". In is primarias de su centrusinistra po s'eletzioni de su candidau po is comunalis de Casteddu su consilleri regionali de Sel Massimo Zedda, 34 annus, at difatis bintu cun su 47 po centu de is votus a Antonello Cabras de su Pd, chi at otentu su 34 po centu de is preferéntzias. Terzu postu po Filippo Petrucci (8,5%), istudiosu univertitariu, cuartu po Giuseppe Andreozzi de is Rossomori (6,3%), frimma a su 4,9 % la candidada de is "verdi" Tiziana Frongia. Po Gianni Fresi (Prc) e Alessandro Corona (Pdci) is arrisurtaus de is primarias indebbilitant a su centrusinistra (sa 'Federazione della Sinistra' no at presentau a nemmus). "Custu datu de accumdimentu (casi 5600 votus, ndr) - acrarant is segretàrius regionalis de 'Rifondazione' e 'Comunisti italiani' - indebbilitat a un'alleàntzia chi in Casteddu iat a tenni bisóngiu de un'acórdiu de programma e de obbietivus prus mannus". A is eletzionis comunalis de Casteddu at essi presenti puru una candidada comunista, Michela Melotti (33 annus, disimperada) presentada de su "Partito comunista dei Lavoratori". "Su Pcl partecipat a is eletzionis comunalis de Casteddu - si ligit in d'una nota - cun s'obbietivu de marcai sa preséntzia de su pensu de is Traballadoris e de is Traballadoras, sardus e de foras de stadu, de is giòvanus precàrius e de is disimperadus, a sa faci de is duas scuadras chi si giogant sa difesa de is interessus de sa burghesia casteddaia: sa destra chi est in sa cadira de is tempus de Delogu, e su centrusinistra".