"Conis de Marchionne": in Tàtari sit in Pcl-Federazione sinistra contra a sa Cisl e Uil

(IlMinuto) – Casteddu, 14 de su mes''e gennàrgiu - "Is acórdius pigaus de is capus mannus de is burocrazias sindacalis de Cisl e Uil cun s'asuriu Marchionne, in is istabilimentus de Pomiglianu e Mirafiori, funt s'atacu prus grai a sa classi traballadora de sa nàscida de sa Repúbbrica". Est cantu scrint in d'una nota de imprenta sa "Federazione della Sinistra" (Prc e Pdci) e su Pcl de sa provìntzia de Tàtari. Is fortzas políticas ant aprontau po custu mangianu in Tàtari unu sit in de protesta contra a sa Cisl, a sa Uil e a Marchionne. S'apuntamentu est a is 10.30 a fac''e s'intrada de sa sedi Cisl de Tàtari. "A is traballadoris e a is traballadoras iscritas a sa Cisl e a sa Uil - precisat su comunicau - pedeus de lotai impari a nos contra a Bonanni e Angeletti. Sa lota contra a Marchionne at a sighiri puru a pustis de su referendum, calisisiat siat s'ésitu".