Cumpostu (Sni): solidariedadi a Morittu. "In su mes''e fiàrgiu un'atóbiu mannu de totus is indipendentistas"

(IlMinuto) – Casteddu, 3 de su mes''e gennàrgiu - "Naraus a totus is indipendentistas de no arrui in is trassas chi is animigus berus circant de fai imbentendi disamistadis fantasiosas e sciamadoras". Est custu s'apellu chi su cordinadori natzionali de Sardigna Natzione, Bustianu Cumpostu, fait a totus is indipendentistas sardus a pustis de s'atu de amaletzu fattu in is diris passadas a su militanti de Irs Angelo Morittu: un'ordíngiu chi no est iscopiau esti stetiu agatau in domu sua in Silanos asuba de sa vantana. "Un'atzioni grai - scririt Cumpostu - chi no benit de seguru de is àterus fradis indipendentistas". Su rapresentanti de Sni espressat solidariedadi a Morittu e narat a totus is indipendentistas de donai un'arrespusta unitaria aprontendi, po su mes''e fiàrgiu, "un'atóbiu de totus is ànimas e is caboris de s'indipendentismu".