"Don Usai acanta a is prus débbilis". Lítera de solidariedadi de sa comunidadi nigeriana

(IlMinuto) - Casteddu, 27 de su mes''e gennàrgiu - Sa comunidadi nigeriana in Sardigna no si ndi scarescit de don Usai. Cun d'una lítera oberta, mandada a s'imprenta de s'Assótziu "Socialismo Diritti e Riforme" dexi citadinus nigerianus residentis in Quartu Sant'Aleni espressant solidariedadi a su responsàbbili de sa comunidadi "Il Samaritano" de Arborea, a is arrestus domiciliaris po un'inchiesta giuditziaria po sfloramentu e isfrutamentu de bagassùmini. "Eus decídiu de scriri custa lítera - si narat in su testu - bolendi ponni in resaltu sa figura sua de religiosu impignau a agiudai chini tenit bisóngiu, in s'assistu a is drogaus, in su ripristinu sociali de is presoneris e de is ex presoneris, a bortas puru contra a sa discunfiàntzia e a s'ostilidadi de chini no cundividiat su progetu suu". Sa lítera precisat s'impignu de Usai acanta de sa comunidadi nigeriana in Sardigna. "Speraus - concluit sa lítera - chi si fatzat luxi asuba de s'acontéssia e chi s'arribbit debressi a sa proclamazioni de s'innocéntzia sua. A sa connatzionali nostra, chi acusat a don Usai, pedeus de pensai a sa graesa de is dichiaras suas e ddi pedeus de tenni unu storramentu".