Ísula ‘e Sàntu Pèdru: 100 grammus de fluoru e allumíniu po unu chilu de terra, aMpI: “Belenus stuaus de is industrias de Potovesme”

(IlMinuto) – Casteddu, 10 de su mes''e gennàrgiu - 100 grammus de fluoru e allumíniu po unu chilu de terrenu esaminau. Est s'arresurtau de is anàlisi fattas de s'Edam srl in s'Ísula 'e Sàntu Pèdru. Ddu fait connosci cun d'unu comunicau su Diretivu políticu natzionali de aMpI. "A Manca pro s’Indipendentzia – si ligit in su scritu - espressat agiudu e solidariedadi a su cumitau fattu de sa genti 'e su logu impignau de meda tempus in d'un'importanti òpera de monitoraggiu po tutelai a sa saludi de is citadinus de s'ísula de is belenus stuaus de is industrias de Portovesme". "Is anàlis ambientalis - precisat aMpI - ant dimustrau un'impestadura de fluoru e allumíniu diaderus mala. Est de foras de conca chi sa Edam (ambientali s.r.l. de Gallarate) chi at fattu is anàlisi apabas de sa pressioni de su cumitau po contu de su comunu de Carluforti apat cuau sa présentzia de unus cantu de metallus[...], chi s'agantant in is terrenus e in is àcuas, chi funt tóssicus e chi produsint su cancuru". "Sa sinistra indipendentista sarda – concluit sa nota - at a agiudai a is lotas [...] de su cumitau poita sa terra nostra at giai pagau cun is interessus po mori de is fabas de is colonialistas e de is medianeris sardus chi ant cumandau unu modellu de isvilupu disatu e mortali comenti cussu chi nascit asuba de s'industria pesanti".