Ollu combustìbili in is àcuas de Pòrtu Turre. Irs: "Bolleus sciri causas de s'incidenti"

(IlMinuto) – Casteddu, 13 de su mes''e gennàrgiu - "Martis, in su portu industriali turritanu, una nai cun bandhera panamensa at perdiu in mari, po mori ca s'est segada una pompa de scàrrigu, una cantidadi meda manna de ollu combustìbili chi depiat andai a sa centrali E-on de Fiume Santo". Cun custus fueddus Irs denunciat a un'àteru fatu de impestadura in is àcuas de Pòrtu Turre. "In su centru turritanu - si ligit in d'una nota de imprenta - ddoi furiant in s'ària is arrancus légius de is idrocarburus, a su puntu chi sa genti de su logu, chi no scidiàt de s'incidenti, dimandhàt s'interventu de is autoridadis cun diversas telefonadas". Asuba de sa chistioni est intervenniu su consilleri provintziali de s'organizatzioni indipendentista, Gavino Sale, chi at dimandhau -  precisat su comunicau de Irs - "un'atóbiu apretosu in cummissioni ambienti po acastiai asuba de s'acontéssia, e po connosci ita at causau custu sciàsciu e  ita esti stetiu fattu po cumbati a s'apretu".