Referendum nucleari: dibattidus e atóbius in Fordongiannis e in Thiniscòle

(IlMinuto) – Casteddu, 28 de su mes''e gennàrgiu - Cras in Sardigna at essi dópiu s'apuntamentu contra a su nucleari. Abetendi su referendum regionali de su beranu chi benit, sa sinistra indipendentista de aMpI at a fai  in Fordongiannis, a cumentzai de is 18.00, in s'àula consiliari in bia Francesco Cocco, un'atóbiu dibbatidu cun sa genti de su logu. "Su nucleari - si ligit in d'unu documentu aprontau de su grupu territoriali de a Manca - no provocat scéti maladias e morti, provocat puru dannus meda a s'ambienti: is gas chi bessint de is fumaiolus si trasformant in solutzionis allonghiadas de àcidu [...], chi ndi liant su nutrimentu a su terrenu, nutrimentu fundamentali po is matas e chi impestant puru a su mari, a is lagus, a sa frora e a sa fàuna de su territóriu. Ita ddoi podit essi de prus distrutivu e noxili?" Sàbudu contra a sa preséntzia de s'àtomu in s'Ísula  si movit puru, cun dibbatidus e música - aprontaus de su Cumitau Sinonucle – in pratza "Mercato" de is 10.00 a is 24.00, sa bidda de Thiniscòle.