Serbítzius po su traballu. Cgil: "S'assessori Manca no tochit is cumpeténtzias de is Provìntzias. Stabilizzai is 400 precàrius

(IlMinuto) – Casteddu, 3 de su mes''e gennàrgiu - Sa Cgil bullat a su progetu po torrai a órdinai is Serbítzius po su traballu presentau de s'assessori regionali de su Traballu Franco Manca. Su sindacau narat no "a s'ipótesi de accentrai in is manus de sa Regioni (Agentzia de su Traballu) sa responsabbilidadi de is risorsas e de is serbítzius chi, in veci, depint abarrai in is manus de is Entis localis". Po su prus sa nota sindacali est contra a s'irminorigamentu de is cumpeténtzias de is Provìntzias e dimandat debrassi sa stabilizzazioni de is precarius de is Cesil e de is Csl. "Est apretosa - si ligit in d'una nota - sa stabilizzazioni de prus de 400 traballadoris chi tenint su tempus benidori acapiau a un'organizatzioni noa de is serbítzius. S'assessori at a depi atuai sa lei regionali 20 de su 2005 in totus is partis suas in veci de dda modificai liendi cumpeténtzias a is Provìntzias".