“Ses disimperau? Fai política!”. In Tiscali su bandhu de unu partidu de centru-destra”

(IlMinuto) - Casteddu, 18 de su mes''e gennàrgiu - "Partidu-aziendha" in Sardigna, pigat genti a traballai. Cun d'unu bandhu pubblicau ariseru in "lavoro.annunci.tiscali.it - e oi liau de su giassu - una scuadra política de centru destra circàt unu "responsàbbili po su territóriu", e de duus "responsàbbilis tesseramentu" e "hostess". De importu mannu est a no tenni cundennas e essi unu "team leader". Idealis e amori mannu funt fatoris de pagu importu po chini at scritu su bandhu. "Intra in política!" - si podiat ligi in su bandhu - "Pensas de essi unu team leader? Pensas de tenni is calidadis giustas po fai política? Insaras ses sa personi chi circaus!". Custu su profilu de sa scuadra política noa, chi fait sciri a prexu mannu s'arribbu suu in s'Ísula: "Una realidadi política natzionali noa, de area centru-destra e de frénia liberali, cun rapresentantis de su panorama políticu italianu - si ligiat ariseru in su bandhu - est arribbendi in su territóriu sardu, a livellu regionali, provintziali e citadinu".