“Sindrome di Quirra”. Sa mozioni: “Datus pubblicaus a tradu. Cappellacci nerat poita”. Irs: “Portaus s’acuntéssia in Europa”

(IlMinuto) – Casteddu, 7 de su mes''e gennàrgiu - "Bolleus nai a Don Giovanni Usai ca seus cun cussu e ca no eus mai dubbitau de sa bona fidi sua e chi si fessat necessàriu eus a fai s'isciòpiru de su fàmini in Istitutu po tzerriai a s'innocéntzia sua". Cun custus fueddus duas giòvanas nigerianas, presoneras in su presoni casteddaiu de Buoncammino, espressant sa solidariedadi insoru a Don Giovanni Usai de sa comunidadi "il Samaritano" de Arborea. Is duas féminas ant donau sa lítera insoru a Maria Grazia Caligaris, presidenti de s'assótziu "Socialismo Diritti e Riforme". "Eus ligiu in is diversus giornalis e intendiu de is televisionis de su territoriu - si ligit in su scritu - s'acuntéssia de Don Giovanni Usai. No creeus a is fueddus naus de sa picioca nigeriana. Connosceus a Don Giovanni Usai e scieus meda beni ita personi est. Issu est un'ómini bonu, generosu, chi at sacrificau sa vida sua po agiudai a is personis comenti nos, chi no s'agant beni in su mundu. Acanta de Don Usai, acusau de sfloramentu e favoressimentu de su bagassùmini, puru su sindacau Css. "Si is óminis depint essi giudicaus po su beni chi faint - narat su segretàriu Giacomo Meloni – e duncas Don Usai tenit una créita sua, s'istima de cussus, medas, a is calis a donau ispériu e oportunidadi beras po bivi cun dignidadi".