Abbanoa: de is azionistas s’ok a sa bendida de su 40% a is privaus, ma ddoi funt is referendum

(IlMinuto) - Casteddu, 9 de su mes''e fiàrgiu - Si fait sèmpiri prus concretu s'arriscu de privatizatzioni po su serbítziu idricu sardu. In s'assembrea de sa cida passada in Casteddu, is azionistas de Abbanoa, is Comunus e sa Regioni, ant difatis incarrigau su cda, cun su 98,85 po centu de votus in faori, de donai su cumentzu a is proceduras po sa bendida de su 40 po centu de sa spa a is privaus, comenti previdiu de sa lei 166 de su 2009. Intru su 31 de su mes''e paschixèdda de ocannu su 40 po centu de sa propriedadi de Abbanoa iat a podi passai duncas a is multinatzionalis de su cumpartu. Culossus chi perou tenint ancora ainnantis un'impéigu mannu: is duus referendum contra a sa privatizatzioni previdius po su beranu chi benit.