“Apalas de sa Portovesme srl sa multinatzionali svizzera Glencore”. Cras sit in Casteddu

(IlMinuto) - Casteddu, 7 de su mes''e fiàrgiu - Sighit su processu a is responsàbbilis de sa Portovesme srl spriculaus po ai interrau in modu abbusivu dexi metrus de arrefudus industrialis toscus in is territórius de Sèttimu, de Serramanna e po ddus ai impitaus comenti "materiali de prenimentu po is istradas" in Casteddu. Po s'udiéntzia de cras s'at a tenni unu sit in, aprontau de su Cumitau Carlofortinus impensamentaus e de s'Assótziu Adiquas, a fac''e su Tribbunali de pratza Repúbbrica, a is 9.00. A mangianu etotu is manifestantis ant a andai in bia Roma, asuta de is pórcius de Consillu regionali. "Apalas de sa sociedai Portovesme srl – precisat su Cumitai - si cuat sa miltinatzionali svizzera ‘Glencore’, tristamenti connota po s'impestadura de una parti manna de su pianeta. Est de pagu tampus sa nova de su trasferimentu in Sardigna de tres càmius prenus de materiali radiotaivu chi arribbànt de s'Alfa Acciai de Brescia. Cussu chi invecis in pagus si domandhaus est comenti siat possíbbili chi unu càrrigu de materiali perigulosu aici possat arribbai fintzas a su Meridioni prus bàsciu de sa Sardigna passendi senz''e dannu a is cuntrollus de is atzarxerias brescianas e a pustis senza de essi nemmancu  intercetau".