"Chini timit a sa trasparéntzia?". Zuncheddu arrespundit a is acusas de su segretàriu Rossomori Muledda

(IlMinuto) – Casteddu, 16 de su mes''e fiàrgiu - "Apu sèmpiri donau a is Rossomori is 1.800 eurus a su mesi. In su mes''e totussantus apu blocau is partis de su dinai abetendi unu pagheddu de trasparéntzia in is proceduras de gestioni. Abetu campau in aria". Aici Claudia Zuncheddu arrespundit a is acusas fattas de su segretàriu de is Rossomori Gesuino Muledda ("60millionis de eurus de dinai liau a su partidu") a pustis de ai lassau s'incàrrigu chi teniat in su movimentu políticu. "Donniunu - precisat Zuncheddu - si cualificat a faci de is sardus po cussu chi at fattu, chi fait e chi at a fai. Mi meravigliat - precisat - chi scéti a pustis de is dimissionis mias, si ndi siat agatau de su dépidu mannu chi iat a tenni cun su movimentu. Su pensu chi su dinai destinau a su funtzionamentu de is grupus consiliaris [...] siant su pratu prenu po is bucas de is animabis políticus arrexinaus e de totu cussu chi si tragant, e chi est fillu de unu pensu chi bit puru is spricullitus de sa procura de Casteddu. Chini tenit timoria de sa trasparéntzia?".